去曼谷歎德國料理Sühring Erlebnis**

曼谷有唔少國際級嘅米芝連餐廳等緊大家去發掘。今次帶大家去Sühring Erlebnis，呢間餐廳由來自德國的雙胞胎兄弟Thomas和Mathias所創立。兄弟喺德國長大，深受傳統家鄉料理影響。 喺亞洲，正宗而又創新嘅德國高級餐廳並不常見，Sühring兄弟重新定義德國料理。佢哋唔單只擁有米芝連兩星，喺The Worlds 50 Best網站，2025年，世界排第22名，亞洲排名第11位。 Sühring Erlebnis用咗一所舊別墅，重新打造出一個簡約嘅家居感覺，舒適嘅客廳，散發著溫馨簡約嘅居家魅力。 晚餐7800至9800泰銖（約合港幣1900至2400元），午餐約4800泰銖（約合港幣1200元），價格會因季節、菜單調整而略有不同。包含12至16道精緻嘅德國創意料理，食客能體驗到多元味覺層次同極高視覺效果。 午餐及晚餐都可以選擇Wine Pairing，5,800泰銖至6,800泰銖（約合港幣1400至1600元） Sühring Erlebnis唔單只對食物講究，連餐具細節都唔放過，尤其是餐刀。特定菜色，會有專用餐刀。展現簡約現代德國設計美學，優雅且符合人體工學。 「德國鑄鐵鍋焗鴨」係一道非常經典嘅招牌菜。鴨肉先經過十天風乾熟成處理，提升肉質嫩度同風味，然後以乾草輕煙燻方式慢烤，使鴨肉表面形成香脆嘅金黃色外皮，同時保持肉質多汁鮮嫩。焗烤過程中，用上傳統德國鑄鐵鍋緩慢烹調，散發住煙燻烘焙香氣。 食到甜品，侍應奉上Sühring兄弟祖母嘅食譜，目的係想話俾食客知，佢哋傳承咗家族嘅料理秘方，亦代表著佢哋嘅童年回憶同德國南部傳統飲食文化。 德國餐菜俾人嘅印象可能係腸仔同酸菜，然而Sühring 兄弟將傳統德國味道，與現代烹飪技巧結合，打造出獨特且充滿創意嘅料理風格。依家喺曼谷都食到米芝連德國菜，咁就唔使專登飛去歐洲啦!